បែងចែកការងារឲ្យបានច្បាស់លាស់

ចំណុចចំបងដែលមាននៅក្នុងចិត្តរបស់មនុស្សជោគជ័យ គឺថាពួកគេផ្តោតការយកចិត្តទុកលើគោលដៅការងារច្បាស់លាស់ និងលទ្ធផលភ្លាម ៗ នៃការងារនោះ ។ ចូរបែងចែកប្រភេទការងារឲ្យបានដាច់ស្រលះសំខាន់ដាក់ដោយសំខាន់ បន្ទាន់នៅជាមួយបន្ទាន់ តាមលំដាប់ហើយកំណត់ពេលឲ្យបានសមស្របសម្រាប់ការងារនីមួយ ៗ ។ បំបែកការងារធំមួយ ឲ្យក្លាយជាការងារតូច ៗ តាមលំដាប់ងាយរបស់វាសឹមចាប់ផ្តើមធ្វើ ។ ដំបូងអ្នកពុំបាច់ខ្វាយខ្វល់ថាតើការងារនីមួយ ៗ នោះនឹងសម្រេចបានយ៉ាងណានោះខ្លាំងពេកទេ ។ តាមរយៈការប្តេជ្ញា ការស្រាវជ្រាវ  និងការកំណត់អត់ធ្មត់ អ្នកនឹងមើលឃើញនូវមធ្យោបាយ ។ ពេលនោះហើយជាពេលដែលអ្នកដឹងបានថា តើអ្នកសម្រេចការងារទាំងនោះបានដោយរបៀបណា គឺថាគោលដៅរបស់អ្នកសំរេចបានតាមលំដាប់លំដោយនៃការងាររបស់វា គឺវាស្ថិតនៅលើការចេះបែងចែកការងារនេះឯង ។

          ដូចនេះក្នុងដំណាក់កាលបន្ទាប់ទៅនេះ ចូរបែងចែកតម្លៃ ឬសារៈសំខាន់នៃការងារប្រចាំថ្ងៃរបស់ខ្លួន បើមិនដូច្នេះទេ ការងារទាំងអស់នឹងមានតម្លៃស្មើ ៗ គ្នា ដែលជាហេតុនាំឲ្យអ្នកមិនអាចដឹងបានថាត្រូវផ្តើមធ្វើការងារមួយណាមុននោះឡើយ ។ ចំណុចថាការងារមួយសម្រេច ឬក៏អត់នោះមិនចោទជាបញ្ហាអ្វីឡើយ ។ ចង់ដឹងថាការងារនិមួយ ៗ របស់អ្នកមានសារៈសំខាន់ប៉ុណ្ណានោះ អ្នកត្រូវកំណត់ប្រយោជន៍របស់វាឲ្យច្បាស់ ។ វិធីដ៏ល្អបំផុត គឺត្រូវកត់ត្រាអ្វីដែលត្រូវធ្វើជាប្រចាំថ្ងៃ បន្ទាប់មកកំណត់ថា ត្រូវធ្វើមួយណាមុនគេ  ។ ក្នុងចំណោមការងារប្រចាំថ្ងៃទាំងអស់នេះ គួរជ្រើសការងារមួយធ្វើជាការងារចំបងជាងគេ  និងលំបាកបំផុតដែលត្រូវរំលឹក និងធ្វើឲ្យបានសម្រេចក្នុងថ្ងៃនេះ ។ បន្ទាប់ពីបានសម្រេចការងារទាំងអស់នោះចប់អស់ហើយ អ្នកអាចសំរាកបានយ៉ាងមានសុភមង្គលលើគំនរអារម្មណ៍នៃភាពជោគជ័យ ។

( ដកស្រង់ចេញពីសៀវភៅ គោលការណ៍សកម្មទាំង ១០០ ប្រការ ដើម្បីជោគជ័យ ទំព័រ ២ )