ប្រសិនបើអ្នកប្រមូលផ្តុំគ្នាជាក្រុមមួយហើយធ្វើការសំអាតសួនសាធារណៈ
ចូរធានាយ៉ាងណាឲ្យគ្រប់ ៗ គ្នានៅក្នុងក្រុមទទួលបាននូវសន្តានចិត្តថ្លៃងអំណរគុណពីរដ្ឋាភិបាល
និងពីប្រជាជនស្មើ ៗ គ្នា ។ ប្រសិនបើក្រុមកីឡារបស់អ្នកទទួលបានជ័យជំនះក្នុងការប្រកួត
ចូរធ្វើយ៉ាងណាឲ្យ គ្រប់ ៗ គ្នាទទួលបានរង្វាន់ ការលើកទឹកចិត្ត
និងបានបង្ហាញពីទឹកចិត្តសប្បាយរីករាយប្រកបដោយក្តីមោទនៈស្មើ ៗ គ្នា ។
ប្រសិនបើអ្នកលក់ផលិតផលរបស់អ្នកលក់បានបរិមាណតាមកំណត់ ឬ ក៏ផ្អែកអតិថិជនបានដោះស្រាយបញ្ហាធំមួយជាមួយអតិថិជនបានជោគជ័យ
គួរផ្តល់រង្វាន់ជាទីគាប់ចិត្តដល់ពួកគេគ្រប់ ៗ គ្នាដែលបានសម្រេចកិច្ចការដ៏វិសេសវិសាលមួយសំរាប់អង្គភាព
។
ក្នុងនាមជាអ្នកដឹកនាំ
សមិទ្ធិផលធំ ៗ ទាំងឡាយរបស់អ្នកគួរតែជាសមិទ្ធិផលដែលមើលឃើញថា
ជាផលសម្រេចជោគជ័យរបស់បុគ្គលិកក្រោមបង្គាប់គ្រប់ ៗ គ្នា ។ អាស្រ័យហេតុនេះ
ចូរចែករំលែកនូវគុណប្រយោជន៍ និងគុណូបការៈ បទពិសោធន៍ ដែលខ្លួនទទួលបានឲ្យដល់សហការី “គ្រប់ ៗ គ្នា” ។
អ្នកស្គាល់ខ្លួនឯងច្បាស់រួចហើយ ចូរទុកឱកាសឲ្យសហការី ក៏ដូចជាអ្នកក្រោមបង្គាប់ផ្សេង
ៗ ទៀតបានអបអរសាទរនូវជោគជ័យរួមដែលក្រុមខ្លួនសំរេចបានផង ។ ហើយទន្ទឹមនឹងនោះដែរ
គួរលើកទឹកចិត្តដោយផ្ទាល់ថែមទៀតដល់ពួកគេ
លើកទឹកចិត្តដល់កិច្ចសហការណ៍ដ៏ស្អិតរមួតនៅក្នុងក្រុម ។ ជាលទ្ធផល
អ្នកនឹងក្លាយជាមនុស្សដែលមានសុទ្ធតែមិត្តដ៏ច្រើន គ្មានសត្រូវឡើយ ។
